عم يتفلسف الحمار ويخاطب إبن اّدم ويقولو
عجبي عليك يا ابن اّدم يا كبير الدار
قومت الدنيا وما قعدتها لما قالولك حمار
شو يعني اسمي شتيمة ولا جنسي عار؟؟؟
خلقني ربي و خلقك وما حدا بايدوا الاختيار
وأنا مهما زاد الحمل فوقي صابر على المشوار
لا بيوم ارفع عيني على جارتي وبصون الجار
لا بيوم بطلع على الرزق غيري وبطق منو وبغار
ولامهر أدفع لحمارتي ولاخواتم ولا سوار
ولا شقة أجمع بحقها
ولا أجهز دار
ولا حرمتي حامل تتوحم بدها كافيار
ولابنت تخرج عن طوعي وتجيب لي العار
ولا ابن يدمن ويهلوس ويوقع وينهار
عايش بحالي ومتهني وليش بدي احتار
باكل وبشرب وأنهق وما في عندي اسرار
وعندي ابن ادم يخدمني ليل ونهار
اذا جعت يشتري برسيمي بأغل الاسعار
واذا مرضت بيعالجني ويدعي الستار
خادم أمين من غير راتب ولا حتى أيجار
عرفت يا بني اّدم مين فينا طلع الحمار؟؟
موضوع: فلسفة حمار 
الخميس يونيو 12, 2008 2:03 am
